乐天芒果芝士布甸雪条到港!必食便利店5大新入雪条

过咗一个忽冷忽热嘅冬季,上两星期嘅潮湿回南天气就好感受到入春喇!要解闷热最直接嘅方法梗係食冰品啦!最近香港两大便利店都入手咗唔少吸引嘅新口味雪条!好似早前红爆嘅韩国芒果同芝士雪条,今次就「沟埋嚟做濑尿牛丸」,推出咗芒果芝士布甸雪条,除此之外仲有4款新雪糕雪条都係今季必试,等我哋即刻同大家试试味先!

1.芒果芝士布甸雪条!乐天神级雪条的梦幻组合!

上年有便利店就入咗品牌Lavelee라벨리的芝士同芒果雪条,结果係同韩国一样卖断市,今次呢款芒果芝士布甸雪条,就好似两者的梦幻结合,不过相对于上次的激浓口味,今次不论芒果同芝士味都相对较淡,以免某一种味道过于突出,甜度适中,食得过!

乐天芒果芝士布甸雪条到港!必食便利店5大新入雪条
芒果芝士布甸雪条 $13.9
乐天芒果芝士布甸雪条到港!必食便利店5大新入雪条
单睇外表,芝士与芒果的比例大概64分布,卖相吸引!
乐天芒果芝士布甸雪条到港!必食便利店5大新入雪条
试食专员Terry:早前食过热爆嘅韩国芒果雪条,觉得味道太浓,今次呢个较平衡,又无咁甜,但唔係好食到布甸味。

 

乐天芒果芝士布甸雪条 价钱:$13.9 销售点:各大7-11便利店有售

2.本土味道!能得利柠乐爆珠雪条!

一向广告创意爆棚嘅能得利,就推出本土味爆灯嘅爆珠柠乐!可乐味好浓之余入面仲有粒粒爆珠,雪条甜度较高,但因原条冰条的关係可以平衡甜度,但爆珠只有甜味,整条雪条柠檬味不足,建议可以增加一些柠檬味,但价钱相对抵食,可以一试!

乐天芒果芝士布甸雪条到港!必食便利店5大新入雪条
能得利爆珠柠乐雪条 $8
乐天芒果芝士布甸雪条到港!必食便利店5大新入雪条
雪条色泽与可乐色泽相似。
乐天芒果芝士布甸雪条到港!必食便利店5大新入雪条
芯入面明显有粒粒爆珠,但又唔算太多,还可以!
乐天芒果芝士布甸雪条到港!必食便利店5大新入雪条
甜咗少少,但个人较喜欢食呢种原条冰条多过雪糕雪条,爆珠口感过瘾,消暑佳品!

 

 

能得利柠乐爆珠雪条

价钱:$8

销售点:各大7-11便利店有售

3.必试!番薯雪糕三文治!

雪糕三文治大家都食得多,但就应该未食过咁像真嘅雪糕三文治,呢款同样由韩国嚟嘅番薯雪糕三文治,卖相都似足一旧煨番薯,一啖咬落去,味道就100%似食紧冰涷版嘅煨番薯,薯味浓之余仲隐隐食到番薯皮同少少炭烤味道,讚!

乐天芒果芝士布甸雪条到港!必食便利店5大新入雪条
番薯雪糕三文治 $17.9
乐天芒果芝士布甸雪条到港!必食便利店5大新入雪条
原条番薯有成块面咁多,份量十足! 试食专员Jackie:味道惊喜!好似食紧番薯一样,唔太甜,但就有饱肚感觉,建议大家开心share!
乐天芒果芝士布甸雪条到港!必食便利店5大新入雪条
打开有足料嘅番薯雪糕
乐天芒果芝士布甸雪条到港!必食便利店5大新入雪条
咁睇係咪十足十番薯先?

 

番薯雪糕三文治 价钱:$17.9 销售点:各大7-11便利店有售

4.特浓芝士味!蓝苺芝士雪糕批!

跟住出场嘅就有呢个蓝苺芝士雪糕批,同样係韩国货,芝士味特浓,外层有脆皮白朱古力,但蓝苺就好淡,喜欢芝士味嘅朋友较适合呢!

乐天芒果芝士布甸雪条到港!必食便利店5大新入雪条
蓝苺芝士雪糕批 $17.9
乐天芒果芝士布甸雪条到港!必食便利店5大新入雪条
睇外表选色配搭不够鲜明,唔算特别吸引!
乐天芒果芝士布甸雪条到港!必食便利店5大新入雪条
外层白朱古过甜,蓝苺味好淡,但芝士味特浓弥补不足!

蓝苺芝士雪糕批价钱:$17.9 销售点:各大7-11便利店有售

5.有趣!柚子雪葩甜筒!

不让韩国专美,日本方面就有呢支柚子雪葩甜筒,用上可谓日本一的南国市柚子製作,味道清新自然但甜筒就唔够脆,refreshing的好推介!

 

 

柚子雪葩甜筒

价钱:$15.9

销售点:各大Circle K便利店有售


相关文章阅读